VIRAL " BEBENDAR MUTARKAN ISU TANAH NCR SARAWAK "

KUCHING : Program sesi Randau Nyukat Tanah Hak Adat Bumiputera (NCR) ari bawah Inisiatif Baru udah diatur b Rh Igai, Nyakai Atas, Jalan Paip, Sri Aman dulu kala.

Pengawa nya udah dipenyadi Menteri Muda Pengelantang Pendiau, Pengelantang Komuniti, Orang Indu, Ruang Bilik enggau Pemansang Anak Mit, Datuk Francis Harden Hollis.

Berebak enggau nya, Francis lebuh ke bejaku nyemetak madahka perintah enda sengapa ngambi tanah enti nadai jaku setuju ari komuniti ke bisi hak ba tanah NCR nya.

Ku iya, Perintah Sarawak bebendar mutarka isu tanah NCR sereta mantu rayat ngempu tanah nya enggau chara ke sah nengah chara ngeluarkan geran tanah.

" Nya alai, perintah nengeri ari baruh pegai Gabungan Parti Sarawak (GPS) amat nyukung pengawa nyukat tanah NCR laban nemu pemaik ari nya ungkup rayat dalam timpuh ke panjai.

" Tu nyata dipeda nengah pengawa ngemendarka ungkup belanja RM 40 juta uke dikena nyukat disempulang enggau nabahka penyampau pengawa puang ungkup 400 iku, " ku iya.

Dulu ari nya, sesi randau ti diatur Opis Tanah enggau Survei (JTS) Bagi Menua Sri Aman nengah kerejasama enggau Palan Servis Kaban Kunsil Nengeri (ADUN) Simanggang ngembuan tuju meri penerang silik lalu mending kediri isu ti dibantaika peranak ke bekaul enggau pengawa nyukat tanah NCR.

Sama bisi ngulu randau nya pengari Pemesai Opis Pelilih Sri Aman, Sandin Ajah ; Penghulu Bailey anak Gamang enggau sekeda Tuai Rumah ke bisi kaul enggau kandang menua tanah NCR ti deka disukat.

@ Jackie San